Ey Go'zal Farg'ona
EY GO'ZAL FARG'ONA
Ey go'zal Farg'ona qonli ko'ylagin aylanay,
Tarqolib ketkan qora, vohshiy sochinga bog'lanay,
Vohshiy bir ormon kabi bog'ringg'a bosmishdir qomish,
Ko'zlaring hech ko'rinmas bir olov, bir o't yonish
Keng cho'zuq yoylovlaring yovlarga ochmish ko'ksini
Bir qora parda bosibdir tuprog'ingning ustini,
Ko'zlaring so'lgan, o'lik ruhing bilan boqding menga
Qutulishning yulduzi oslo ko'rinmasmi senga?
Ul baland, zor tog'laring nega tosolmas yov yo'ling?
Yo'qmidir o'tkir qilich kesmakka yovlarning qo'lin?
Biz butun ojiz, za'if, bog'ri ezilgan sen uchun
Bul kadar qonlar to'kildi, ul daxida sen uchun!
Yig'lama yurtim egerchi bul kuningda yo'q bahor
Kelgusi kunlarda baxting yulduzi o'ynab qolar!
Cho'lpon,
Abdulhamid Sulaymon oʻgʻli
