ALIMIZNI SORASAN
HAYIRGA KALDI
KUNUMIZ
Bu Rusie kununde Tek saklandı dinimiz.
Alımıznı sorasan, Hayırga kaldı kunumiz.
Ayagım-kolum yalangaç, сolga çıksam, tonaman.
Eşim-dostım korgende, Bir laf etip onaman.
Temiz kilabdan olmasa, Kapik bermem kaytanga.
Akikiy tarih bozula, Uydurıla şaytanga.
Sadak'a, haiyr iç de yok, Zor fakırnın alları.
Kuflense de, anbarga Sıymay сatkan malları.
Yaltadan minsen poçtaga, Peterburgga сetersin.
Murat etsen, padişa, Ne olsa da etersin.
Bu furunnın' içinde Bizim aşlar pişemi?
Kırımnın halkın aglatmak, şanınızga tuşemi!?
Dunya-dunya olmadı, Yavm-beter kun-kunden.
Bu Kırım pek nasipsiz, Ilişip tura bir kılnen.
Imperator — babanız, Kırımnı nasıl tuzetti?
Alganıman koluna, сamilerni tuzetti.
Turlu yahşı şeylerden, Bizler urba kiymedik.
Butun omur boyunсa, Kun yarıgı kormedik.
Eger ketsek Kırımdan, Bir taleke сegermiz.
Ole koysak katermiz? Biz asretlik çekermiz.
Suvu şerbet Kırımnın, Topragı da altından.
Kimi yurttan ayırdı, Kimi evlat, hatından.
Ole koysak bu erde, Ne olur bizim alımız?
Ustumizge ot biter, сoyılır bizim kabrimiz.
Azı ketti Kırımnın', Azizler mından avuşır.
Olmegen kul, inşalla, Asretine kavuşır.
Yavm-beter : turgan saiyn beter ola manasında.
poçta : posta taşiyan tren manasinda
